* ગુજરાતના શિક્ષણ માટે શું કહેશો ?
- ડોનેશન મોકલાવો, તો કહું !
(યશ સવાણી, સુરત)
* પ્રેમમાં સૌથી વધુ શેની જરૂર પડે છે ?
- બે શરીરોની.
(શૈલેષ લશ્કરી, તરસમીયા)
* ટ્રાફિક-સિગ્નલ જોવા છતાં લોકો કેમ હોર્ન મારમાર કરતા હોય છે ?
- આમાં તો રિયાઝ પાકો જોઈએ...!
(ડૉ. અશ્વિન કાકડીયા, સુરત)
* પનામા પેપર્સમાં તમારૂં નામ ન જોઈને તમને દુઃખ થયું કે આનંદ ?
- મને પહેલેથી જ પબ્લિસિટીનો મોહ નહિ !
(ડૉ. ભરત સોનીગરા, મોટા આંકડીયા-અમરેલી)
* ત્રણે પેઢીઓના વિચારો એકસરખા ક્યારે થશે ?
- પેઢી હોલવાઈ જવામાં હોય ત્યારે.
(રાજેન્દ્ર પઢારીયા, ડૉમ્બિવલી)
* વોટ્સએપ અને ફેસબુક બાદ બચેલા સમયનું શું કરવાનું ?
- એ બધાને તમારા મેસેજ પહોંચી ગયા કે નહિ, એ જાણવા બધાને ફરી મેસેજ
મોકલો.
(બ્રિજ જતિનભાઈ પટેલ, પાટણ)
* મોદીસાહેબને તમે લખેલા પત્રનો કાંઈ જવાબ આપ્યો ?
- હું આજે ય મોદીનો મોટો ફેન છું... જ્યાં ફરિયાદ હતી, એ પત્રમાં લખી હતી. એ જવાબ
આપે, એ જરૂરી
નહોતું... કાંઇક અમલમાં મૂકે, એ જરૂરી હતું. !
(રૂપાલી જે. જાની, વડોદરા)
* તમે જામનગર આવી ય ગયા...? મારે તમારા જેવા મહાન હાસ્યલેખકને ખાસ મળવું હતું !
- તમારા નામમાં કોઈ ફેરફાર થાય એવો છે...?
(હાર્દિક ચૌહાણ, જામનગર)
* બધા મા-બાપે પોતાના એક સંતાનને ફરજીયાત લશ્કરમાં મોકલવા જોઈએ...સુઉં
કિયો છો ?
- હમણાં નહિ. એક વાર કાશ્મીરમાં રોજના પાંચના હિસાબે આપણા જવાનો શહીદ
થતા બંધ થાય પછી તમારી યોજના લાગુ પડે.
(હેમાંગી કાકુ, જામનગર)
* તમારે ધો. દસમાં કેટલા ટકા આવ્યા હતા ?
- આખા ક્લાસના ભેગા કરીને, બધું મળીને ૮૨ ટકા થતા હતા.
(વૈશાલી મકવાણા, ભાવનગર)
* ગરમી બહુ પડે છે. કારણ બતાવશો ?
- હા. એનું બેલેન્સ બરોબર રહેતું નથી, એમાં પડી જાય છે.
(નિકુંજ પી. ગાંધી, વડોદરા)
* શું તમે લખવાનું અને લગ્ન કાચી ઉંમરે શરૂ કર્યા હતા ?
- અઅઅમ્મ...! મને ડર હતો જ કે કોક ને કોક દહાડે આ રાઝ ખુલી જ જશે !
(કિશોર વૈષ્ણવ, મુંબઈ)
* વરસાદ કેમ ધાર્યા મુજબ પડતો નથી ?
- એ હવામાન ખાતામાં નોકરી કરતો નથી, માટે !
(જીતેન્દ્ર કેલા, મોરબી)
* સોનિયાજીને 'બહુ' કે 'બહુમત', બેમાંથી એકે ય કેમ મળતું નથી ?
- એમને 'રાહુ' નડે છે !
(પ્રબોધરાય જાની, વસાઈ-ડાભલા)
* મોબાઈલમાં હવે નવું શું આવી શકે એમ છે ?
- કહે છે કે, અમુક ઍપ નંખાવો, તો આપણું બધું બિલ બાજુવાળાના ઘેર આવે !
(વાહિદ સૈયદ, ધંધુકા)
* તમને ક્યારેય એવું લાગ્યું કે, તમારા વાઈફ તમને છોડીને જતા
રહેશે ?
- આ જગતમાં બધું આપણું ધાર્યું ક્યાં થાય છે, ભાઈ !
(ગોપાલ કડવાણી, અમરેલી)
* તમારી પત્ની 'રામપ્યારી' છે... તો 'અશોકપ્યારી' કોણ છે ?
- પહેલા એકલા સની દેઓલનો જ ડર લાગતો... હવે 'રૂસ્તમ'નો ય લાગે છે !
(જીગીશા પી. પટેલ, વલ્લભવિદ્યાનગર)
* વરસાદમાં વગર રેઈનકોટ કે છત્રી, છતાં ખુલ્લા મેદાનમાં એ
ધોધમાર ઊભો રહ્યો, છતાં પલળ્યો નહિ. શું કારણ હશે ?
- ડોબો કહેવાય !
(પરસોતમ ચાવડા, મેંદરડા)
* રોજ હસતા રહેવાની ચાવી કઈ ?
- ભૂલેચૂકે ય અરીસો નહિ જોવાનો!
(શિવમ હીરાણી, જૂનાગઢ)
* મોટા દિવંગત નેતાઓની જેમ, દેશના જવાનો શહીદ થાય ત્યારે કેમ રાષ્ટ્રીય શોક જાહેર થતો નથી ?
- જવાનો રોજના પાંચ મરે છે... નેતાઓ માટે દેશનું એવું નસીબ ક્યા ?
(મુગ્ધા ઉલ્લાસ વોરા, જૂનાગઢ)
* ટી.વી. આપણો પીછો ક્યારે છોડશે ?
- ઘરમાં કોક તો સ્ટુપિડ વાતો કરનારૂં હોવું જોઈએ ને ?
(અપર્ણા ભદ્રેશ દેસાઈ, નાલાસોપારા)
* રાહુલજી એકલા પડી ગયા છે, એમાં નમોનો હાથ હોય, એવું નથી લાગતું ?
- ના. મોદી ગમે ત્યાં હાથ નાંખે એવા નથી.
(પ્રકાશ શાહ, દીવ)
* સત્યવાદી રાજા હરિશ્ચંદ હવામાન ખાતું સંભાળતા હોત તો ?
- તો એમને જવાબ રાણી તારામતિને આપવો પડત... અને એ વધારે અઘરૂં પડત!
(મધુકર માંકડ, જામનગર)
* શું આપણે તો વેકેશનમાં પત્ની પિયર જાય ત્યારે જ 'અચ્છે દિન' સમજવાના ને ?
-હા, પણ એ તો આપણા બન્નેમાંથી કોની પત્ની પિયર જાય, એ જોવું પડે ને ?
(દીપક આશરા, ગાંધીનગર)
* હવે રાહુલબાબા કોંગ્રેસ-પ્રમુખ થઈ જવાના. હવે તો દેશનો ઉદ્ધાર થશે ને
?
- બાળવિભાગના પ્રશ્નો અમારી 'ઝગમગ પૂર્તિ'માં પૂછવા.
(રાજેન્દ્ર જોશી, નવી મુંબઈ)
* તમે હજી ૬૪ની ઉંમરના લાગતા નથી. એનું શું રહસ્ય ?
- તે ના જ લાગે ને...? હું ૬૫નો થયો!
(રેખા પટ્ટણી, અમદાવાદ)
No comments:
Post a Comment